«Իշխանության վերին օղակներում անկախ գործիչները չեն հանդուրժվում». քաղաքագետը՝ Դ. Սանասարյանի մասին (տեսանյութ)
Աջակցիր «Ա1+»-ինՔաղաքագետի կարծիքով՝ տեղի է ունենում քաղաքական դաշտի վերաձևում, իսկ Դավիթ Սանասարյանը քաղաքական թիմում տեղ չի ունեցել որպես քաղաքական վերնախավի թևերից ինչ-որ մեկի ներկայացուցիչ։ Մարտիրոսյանը ընդգծեց նաև, որ այս գործը շինծու է, և կարող էին որոշ բաներ «կարված» լինել։
«Իշխանության վերին օղակներում անկախ գործիչները չեն հանդուրժվում», - շեշտեց նա՝ նկատի ունենալով ՊՎԾ պետին։ Իսկ մեղադրանքի վերաբերյալ Ազգային անվտանգության ծառայության տարածած հաղորդագրությունը որակեց որպես անփութություն։
Ապրիլի 24-ի կապակցությամբ Ռուսական իշխանությունների կողմից Հայոց ցեղասպանության վերաբերյալ հայտարարություն չանելը Մարտիրոսյանը բացատրեց նրանով, որ ներկայումս Թուրքիան Ռուսաստանի ամենամտերիմ դաշնակիցն է։ Իսկ Մոսկվայի այս քայլին, ըստ քաղաքագետի պետք է արձագանքեր պաշտոնական Երևանը։ Ինչպես նաև նա խայտառակ որակեց ՀՀ արտգործնախարար Զոհրաբ Մնացականյանի՝ առանց նախապայմանների Թուրքիայի հետ հարաբերություններ հաստատելու վերաբերյալ հայտարարությունը։
Անդրադառնալով այն հանգամանքին, որ Հունաստանը նույնպես հայտարարություն չարեց «Ապրիլի 24»-ի վերաբերյալ՝ ասաց, որ դա կարող է պայմանավորված լինել թուրք-հունական հարաբերությունների սրացմամբ ու հնարավոր բարելավումներով։ Սակայն քաղաքագետը չբացառեց նաև այն պարագան, որ Նիկոլ Փաշինյանը կամ Արմեն Սարգսյանը որևէ հայտարարություն չէին արել մայիսի 19-ին Պոնտոսի հույների ցեղասպանության օրվա առիթով։
Մարտիրոսյանը մի շարք հարցադրումներ արեց. թե ինչո՞ւ է Ռոբերտ Քոչարյանին միայն «Մարտի 1»-ի գործի շրջանակներում մեղադրանք առաջադրվել, արդյո՞ք այլ գործերով մեղադրանք առաջադրելու հիմքեր չկան:
Անդրադարձ կատարելով Սերժ Սերժ Սարգսյանին՝ քաղաքագետը հարցադրում հնչեցրեց, թե արդյո՞ք 2016 թվականի Ապրիլյան պատերազմի շուրջ քննություն անց կացվել է ներկայիս իշխանությունների կողմից։