Բացել լրահոսը Փակել լրահոսը
A A
Քաղաքականություն

«Թուրքիան գնալով ավելի է մխրճվում  Ղարաբաղի պատերազմի մեջ». Արա Պապյան (տեսանյութ)

2007 թվականին ընդունված Ազգային անվտանգության ռազմավարության  հիմնարար փաստաթուղթը   վերանայման  կարիք ունի: «Մոդուս Վիվենդի» կենտրոնի ղեկավար Արա Պապյանը հիշեցնում է՝ 2007 թվականից մինչ այսօր տեղի  են ունեցել շատ կարևոր փոփխություններ:

 Նրա խոսքով այս 12 տարիների ընթացքում նկատելի է դիմակայության էական աճ Ռուսաստանի և Արևմուտքի միջև, ինչը մեծ դերակատարում ունի  մեր ազգային անվտագության ռազմավարության մեջ։ Բացի այդ պետք է հաշվի առնել  նաեւ  Թուրքիայի և Ռուսաստանի մերձեցումը, ու ակնհայտ է, որ Թուրքիան գնալով ավելի է մխրճվում Ղարաբաղյան պատերազմի մեջ:

 «Նախ պետք է հասկանանաք ինչպիսի նոր մարտահրավերներ կան, ըստ որի կանխատեսում անենք: Չեմ կարծում, որ  դրանք մեկ փաստաթղթով հնարավոր կլինի: Եվ որպեսզի  փաստաթուղթը ձևական բնույթ չկրի,  հարկավոր է  մշակել ռազմավարության   բաց մասեր,  որում շարադրված կլինեն  հիմնական սկզբուքնները», -նշեց Արա Պապյանը:  

Ինչու է ԱԱԽ-ն նոր զբաղվում այս հարցով, քաղաքագետ Սուրեն Սարգսյանը դժվարանում է պատասխանել, քանի որ հեղափոխությունից անցել է արդեն 1 տարի, և դեռ մի քանի ամիս էլ կպահանջվի մշակելու համար:

« Ես չեմ կարող ասել, թե Հայաստանի համար կարևոր այս ռազմավարության մշակումը, երբ կավարտվի, և ինչ մարտահրավերներ են սպասվում, սակայն շատ կարևոր է , որ դրանք չլինեն  անձնական կարծիքով պայմանավորված մարտահրավերներ, այլ հիմնված լինեն  լուրջ մասնագիտական քննարկումների վրա»- ասաց նա:

Իսկ ահա քաղաքագետ  Ստյոպա Սաֆարյանը փաստաթուղթը համեմատեց ազատ թեմայով շարադրության հետ, քանի  փաստաթղթի 7 կետերում գործողությունները համակարգված չեն

Իսկ թե ինչ ձևաչափով պետք է կարգավորել և մշակել նոր ռազմավարությունը, բանախոսներն իրենց առաջարկները ներկայացրին:

Սուրեն  Սարգսյանի համոզմամբ, դիվանագիտական  համայնքի և արտգործնախարարության մասնակցությունն  այս գործում շատ կարևոր է, որին ի հավելում  Ստյոպա Սաֆարյանն ընդգծեց.

«Այս առումով մեր անելինքերը ավելի շատ պետք է կանխարգելիչ լինեն, ոչ թե  ուղղված լինեն հետևանքներից առաջացած խնդիրների լուծմանը»: