Բացել լրահոսը Փակել լրահոսը
A A

Հիվանդները մնացել են առանց դեղի

Մարզեր

Ալավերդու բնակիչ 23-ամյա Մարտուն Տիտանյանն արդեն 20 տարի օգտվում է պետպատվերի շրջանակներում տրամադրվող դեղորայքից:

 Մարտունը  մտնում է «ոչ շաքարային դիաբետիկ հիվանդ» կատեգորիայի մեջ: Սակայն արդեն 4 ամիս է, նա  չի ստանում իրեն հասանելիք  դեղորայքը եւ նրա առողջական  վիճակը գնալով վատանում է;

Մինչեւ վերջերս  դեղորայքը կենտրոնացված կարգով տրամադրվում  էր պետության կողմից:

«Ադյուրետին» կոչվող դեղամիջոցը, ըստ մեր զրուցակցի, Երեւանի դեղատներում վաճառվում է մոտ  25.000 դրամով, սակայն այն գնելու հնարավորություն նրանց ընտանիքը  չունի;

Ըստ  Ալավերդու բժշկական կենտրոնի բժիշկ  Սերոբ Նազարեթյանի' Ալավերդում այս կատեգորիայի  ընդամենը երեք հիվանդ է գրանցված, որոնց  արդեն չորս ամիս տալիս են ՙսպասեք, մի օր  կլինի՚ պատասխանը;

ՙԱլավերդու բժշկական կենտրոնին պետության կողմից դեղորայքի համար ամսական 700 հազար դրամ է տրամադրվում,  փորձում ենք տեղավորվել այդքանի մեջ՚,- նշում է Բժշկական կենտրոնի փոխտնօրեն Հովիկ Ավետիսյանը:

Վերջինս ավելացնում է նաեւ, որ անհրաժեշտ  դեղորայքի տեսականու եւ քանակի ցուցակը կազմվում է' նախապես բժիշկների հետ խորհրդակցելուց հետո: Իսկ մասնավորապես  ոչ շաքարային դիաբետով հիվանդների դեղորայքի լինել չլինելու հանգամանքը կախված է առողջապահության նախարարությունից:

Ալավերդու «Անկյուն+3» ՀԸ