Բացել լրահոսը Փակել լրահոսը
A A

Գերադասում են ցորենից

Մարզեր

Այս տարի Ճոճկան գյուղում հացահատիկ արեւածաղկից կրկնակի քիչ են ցանել։    Վարդումյանների ընտանիքում արեւածաղկի բերքից գոհ են։ Ասում են, որ այդ ավելի շահավետ է, քանի որ ցորենի եւ գարու մեկ կգ-ը վաճառում են 130, իսկ արեւածաղկինը`500 դրամով:
Արեւածաղիկն արդեն մշակել են, մաքրել եւ սպասում են գնորդի։ Գնորդները գալիս են Երեւանից կամ Նոյեմբերյանից:

Բերքն իրացնելու կոնկրետ տեղ չկա: ՙԱսում են Երեւանում ուզողներ կան, չգիտեմ` կգան, չեն գա... Մեծ դաշտեր ունենք, կարան մի գործարան սարքեն, ձեթ արտադրեն, մեզ էլ օգուտ կլինի, իրենց էլ. մեր պահանջը դա է ՚,-իր եւ համագյուղացիների մտահոգություններն է հայտնում Սեդա Վարդումյանը։

Ընդհանուր առմամբ` այս տարի Ճոճկանում 150 տոննա արեւածաղկի սերմ են ստացել։ Ավելի բարձր բերքատվություն ապահովելուն խանգարում է ոռոգման ջրի պակասը: Ջուրը Դեբեդ գետից պոմպակայաններով մղվում է դաշտերը, բայց այն չի բավականացնում բոլորի այգիներն ու ցանքատարածությունները ոռոգելուն, քանի որ ոռոգման ջրի ներքին ցանցը քայքայված է:Այն նորոգելու համար մեծ գումարներ են անհրաժեշտ:

Ոռոգման ջրի պակասը եւ գարնանն արձանագրված ցրտահարությունն գյուղացիներին մեծ վնաս է հասցրել:

Ադամ Վարդումյանը տխուր հաշվարկներ է անում:
ՙԵս իմ դեղձի այգիներից միշտ 5 տոննա դեղձ եմ քաղել, բայց էս տարի 300 կգ էլ չեմ քաղել ՚,-ասում է նա։


Ալավերդու «Անկյուն+3» ՀԸ