Բացել լրահոսը Փակել լրահոսը
A A

Անձրեւը փրկեց խաչքարը

Մարզեր

  Լոռու մարզի Ահնիձոր գյուղում խաչքար է գտնվել:

Հունձ անող գյուղացիներն խաչքարը դեռ հունիսի սկզբին էին նկատել. միայն թե այն ժամանակ մի ծայրն էր երևում: Համայնքի ղեկավար  Մերուժան Ղազարյանի ասելով'դեռ այն ժամանակ ինքն ու  համագյուղացիները փորձել են խաչքարն իրենց ուժերով  հանել, բայց այնքան  խորն է եղել,որ  վախենալով վնասել, թողել են:

 ՙՎերջին ամիսների  հորդ անձրեւները վրայի հողը քշել, տարել էին, կարկուտն էլ  խաչքարն էր կոտրել մաս-մաս  արել, հանեցինք, ջարդված մասերը կպցրեցինք իրար ու դրեցինք մոտ հանդամասում' Ժանգառլու է կոչվում՚- պատմում է Մերուժան Ղազարյանը:

Գյուղացիները պատմում են, որ  շուրջ 300 տարի առաջ այդ տարածքում  հույներ են ապրել, որոնք ժանտախտից մահացել են. այդտեղից է գալիս հանադամասի անունը: Նրանք կարծում են թե խաչքարն ընկել է հենց այդ ժամանակ ու  ժամանակի ընթացքում հողով է  ծածկվել:

 Գուգարաց թեմի առաջնորդ Տեր Սեպուհ եպիսկոպոս Չուլջյանն ասում է, թե գյուղացիների կողմից իրենց ուժերով խաչքարը հանելը  սխալ էր, այն կարող էր վնասվել, իսկ յուրաքանչյուր խաչքար յուրօրինակ արժեք է:

  Իսկ Լոռի-Փամբակ երկրագիտական թանգարանում նույնիսկ զարմացան: Ըստ   տնօրեն Նարինե Առաքելյանի իրենք իրավունք ունեն գնալ, երբ մարզպետարանից համապատասխան գրություն կստացվի:

 Համակնքապետը խաչքարի մասին տեղեկացրել է Հուշարձանների պահպանման գործակալություն:

Վերջիններս գյուղ  այցելելով'  արձանագրել են 7 հուշարձանատեղի, որից մեկը Ժանգառլու համդամասի խաչքարախումբն է:

Նելլի Դավթյան