Պառկել են գետնին, որ փրկեն
Աջակցիր «Ա1+»-ինԴժվար է պատկերացնել, որ Սանկտ Պետերբուրգի փողոցի թիվ 5-3-1-10 տնակի բնակիչ, 12-ամյա Նարեկ Լոռյանը շուրջ 45 րոպե անցկացրել է դիտահորում, սառը ջրի մեջ, մինչ փրկարարները կհասնեին օգնության:
Այսօր էլ նա լավ է հիշում է հուլիսի 28-ը, երբ փորձելով անցնել փողոցը, հայտնվել էր դիտահորում, այնտեղից էլ ջրի հոսքը նրան տարել էր հարևան դիտահորը:
Նարեկի խոսքով՝ ջրի շերտն այնքան բարձր էր եղել, որ հնարավոր չի եղել նկատել բաց դիտահորը: Անգամ գտնվելով ջրում, նա չի կորցրել փրկության հույսը:
Արտակարգ պատահարի ականատես Ռաֆիկ Պոստոլակյանը հիշում է, որ բավական լուրջ այդ պահին, երբ անգամ կասկածում էին, որ տղան ողջ է, փրկարարների և թաղամասի բնակիչների հետ կայացվեց որոշում՝ փողոցի լայնությամբ պառկելու և դրանով իսկ ջրի հոսքը նվազեցնելու վերաբերյալ:
Լոռու մարզային փրկարարական ծառայության աշխատակիցների հերոսական պահվածքը հպարտանալու ևս մեկ առիթ է, ուրախությամբ նշում է ծառայության պետ, փրկարար ծառայության գնդապետ Հրաչ Անտոնյանը, մաղթելով գործընկերներին անվտանգ ծառայություն:
Մասնագիտական տոնը լոռեցի 200-ից ավելի փրկարարները դիմավորում են լիովին պատրաստ՝ ծառայական պարտականությունների կատարման հարցում, միայն թե տեխնիկական միջոցներով վերազինման անհրաժեշտություն է նկատվում:
