Հայ երեխա՞ աստղային ընտանիքում
Աջակցիր «Ա1+»-ինՀոլիվուդյան հայտնի դերասան Անժելինա Ջոլին մտադիր է որդեգրել հայ երեխա: Հայաստանում թղթարարական քաշքշուկը քիչ է, քան այլ երկրներում, եւ որդեգրման գործընթացը կարող է արագ ընթանալ:
Ըստ ռուսական լրատվամիջոցների` սա է պատճառը, որ դերասանուհու ընտրությունը կանգ է առել Հայաստանի վրա: 2002թ-ից Անժելինա Ջոլին երեխաներ է որդեգրում տարբեր երկրներից: Նա արդեն երեխաներ է որդեգրել Աֆրիկայից, Կամբոջայից եւ Վիետնամից:
Ըստ լուրերի` Ջոլիի ամուսինը` դերասան Բրեդ Պիտը հիացած չէ կնոջ որոշումից եւ կգերադասեր երեխա որդեգրել Հնդկաստանից:
Աստղային ընտանիքում հնարավոր հայ զավակի լուրը մեծ իրարանցում է առաջացրել ինտերնետ-քննարկումներում:
Ոմանք խորհուրդ են տալիս որդեգրել ամերիկացի երեխա, որոնք քիչ չեն մանկատներում` ամբողջ աշխարհից երեխա «հավաքելու» փոխարեն: Ոմանք էլ չարախնդությամբ զգուշացնում են, որ հայ երեխան կմեծանա եւ կսկսի պահանջել, որպեսզի Հայոց Ցեղասպանությունը անհապաղ ճանաչվի:
