ՄԻԱՎՈՐՆԵՐԻ ԱՌԱՋԻՆ ԿՈՐՈՒՍՏԸ
Աջակցիր «Ա1+»-ինՇախմատի Հայաստանի հավաքականն իր առաջին միավորը կորցրեց Դրեզդենում ընթացող օլիմպիադայում: 4-րդ տուրում Հայաստանի մրցակիցը ֆավորիտներից մեկն էր` Ուկրաինայի հավաքականը: Հանդիպումը ավարտվեց 2:2 հաշվով:
Առաջին 3 տուրերում Հայաստանը հանդիպել էր ցածր վարկանիշ ունեցող մրցակիցների եւ վստահ հաղթանակներ տոնել: 4-րդ տուրում հայ շախմատիստների մրցակիցը Ուկրաինաի հավաքականն էր, որը իր վարկանիշով 2-րդն է մրցաշարում:
Հայաստանի հավաքականի կազմում հանդես եկան Լեւոն Արոնյանը, Վլադիմիր Հակոբյանը, Գաբրիել Սարգսյանը եւ Տիգրան Պետրոսյանը: Բոլոր խաղատախտակների վրա էլ խաղաղ արդյունք գրանցվեց: Հայաստանի հավաքականը 4 տուրից հետո վաստակել է 7 միավոր:
Առավել հետաքրքիր հանդիպումներում գրանցվել են այսպիսի արդյունքներ.
Իսպանիա-Գերմանիա` 1.5:2.5
Ռուսաստան-Հնդկաստան` 2.5:1.5
Ռումինիա-Հունգարիա` 1:3
Ադրբեջան-ԱՄՆ` 3:1
Նորվեգիա-Անգլիա` 2:2
Ֆարերներ-Հոլանդիա` 1.5:2.5
Կանանց Հայաստանի հավաքականն այսօր խոշոր 0.5:3.5 հաշվով զիջեց Չինաստանի հավաքականին: Մինչ այս հայ շախմատիստուհիները հաղթանակներ էին տոնել, սակայն Չինաստանի դեմ հավասար պայքար մղել չկարողացան:
