Բացել լրահոսը Փակել լրահոսը
A A

ԱՐՈՆՅԱՆԸ ԱՌԱՋԻՆ ՀՈՐԻԶՈՆԱԿԱՆՈՒՄ

Սպորտ

Ֆրանսիայում ընթացող «Ամբեր-2008» շախմատի միջազգային մրցաշարի 8-րդ տուրում Լեւոն Արոնյանը հերթական հաղթանակն է տոնել: Լեւոնը 1.5:0.5 հաշվով առավելության է ասել Վիշվանաթան Անանդի նկատմամբ: «Կույր» պարտիայում Արոնյանը սպիտակներով հաղթել է աշխարհի չեմպիոնին, իսկ արագ շախմատի կանոններով անցկացված պարտիայում գրանցվել է ոչ-ոքի:

Հունգարավի Պետեր Լեկոն 1.5:0.5 հաշվով առավելության է հասել վան Վելիի նկատմամբ, իսկ Մագնուս Կառլսենը 2:0 հաշվով պարտության է մատնել ադրբեջանցի Շաքիրյար Մամեդյարովին: Ոչ-ոքի է գրանցվել միայն Կրամնիկ – Իվանչուկ մրցամարտում, որը ավարտվել է 1:1 հաշվով:

Այս տուրից հետո Արոնյանը 10.5 միավորով վստահորեն գլխավորում է մրցաշարային աղյուսակը: Նրան հաջորդող Մագնուս Կառլսենը վաստակել է 9.5 միավոր: Լավագույն եռյակը 9 միավորով եզրափակում է Պետեր Լեկոն:

Արոնյանը հատկապես հաջող է հանդես գալիս արագ շախմատի պարտիաներում: Անցկացրած 8 պարտիաներում նա վաստակել է 6 միավոր: Կույր պարտիաներում Լեւոնը վաստակել է 4.5 միավոր: