ՈՒՂԻՂ. «Boiler Room» երաժշտական հեռարձակման հարթակի ներկայացուցիչները Երևանում են (տեսանյութ)
Բրիտանական հայտնի «Boiler Room» երաժշտական հեռարձակման հարթակի ներկայացուցիչները Երևանում մարտի 7-ին կանցկացնեն մեկօրյա բացառիկ դասընթաց «Առցանց թվային երաժշտական կոնտենտի զարգացում, թողարկում և տարածում» թեմայով: Դասընթացի հրավիրված բանախոսներն են՝ Օշո Ֆրանկլանդ, մարքեթինգի ղեկավար Անայիս Բրեմոնդ, ֆիլմ և խմբագրում Միխայիլ Ստանգլ, կուրատոր Մուրա Գարե, գլխավոր պրոդյուսեր Դասընթացի ընթացքում հյուրերը կներկայացնեն իրենց փորձը սոցիալական մեդիայի և կոնտենտ մարքեթինգի ոլորտում, մշակութային պատմությունների ընտրության ու դրանց բովանդակության մշակման , «Boiler Room» երաժշտական հեռարձակման հարթակի գործունեությանն ու դրա սոցիալական, մշակութային և կոմերցիոն կողմերին։ Բանախոսները կխոսեն նաև լսարանի ընդլայնմանն ուղղված մարքեթինգային ռազմավարության օրինակների շուրջ։ Դասընթացը կուղեկցվի համաժամանակյա թարգմանությամբ և հյուրասիրությամբ: «Boiler Room»-ի մասին «Boiler Room» -ը երաժշտական հեռարձակման հայտնի հարթակ է։ Այն հիմնադրվել է 2010 թ-ին Լոնդոնում և երաժշտական միջոցառումներ կազմակերպել աշխարհի 100-ից ավելի քաղաքներում, այդ թվում Լոնդոնում, Ամստերդամում, Նյու Յորքում, Բեռլինում։ Յուրաքանչյուր ամիս հարթակը թողարկում է 30-35 երաժշտական ստեղծագործություն։ Ստեղծագործական սկզբնական շրջանում հարթակն առավելապես թողարկել է էլեկտրոնային երաժշտության գործեր, սակայն ժամանակի ընթացքում ընդլայնել է ոճային ուղղությունները, ներառելով հիփ հոփ, ջազ, և դասական երաժշտական համարներ։