Երևանի Թիվ 11 դպրոցում բողոքի ակցիա է՝ ընդդեմ տնօրենի (տեսանյութ)
Մոնթե Մելքոնյանի անվան թիվ 11 հիմնական դպրոցում բողոքի ակցի են իրականացնում ուսուցիչները, աշակերտներն ու նրանց ծնողները։ Պատճառն ինչպես հայտնի է, այն է, որ տիկին Ազիզյանը ճնշում է գործադրում իր ուսուցչական կազմի նկատմամբ, անցել է պատժիչ գործողությունների այն ուսուցիչների նկատմամբ, ովքեր մասնակցել են գործադուլին եւ հավաքներին: Ծնողները եւ աշակերտները պահանջում են Ազիզյանի հրաժարականը: Դեպքի վայրում գտնվող «Իրազեկ քաղաքացիներ միավորման» անդամ Դանիել Իոաննեսյանը հայտարարեց, որ իր ձեռքի տակ ձայնագրություններ ունի, որտեղ այդ դպրոցի տնօրեն Ազիզյանը, 10 այլ անձանց հետ միասին ՀՀԿ-ի համար ձայների ցուցակներ է կազմել՝ իր ցուցակում ներառելով 170 մարդու: Իոաննեսյանի խոսքերով, եթե այժմ միայն դպրոցից հեռացվելով տիկին Ազիզյանը սահմանափակվի, պետք է երջանիկ լինի: Նշվեց նաեւ, որ տնօրենի հեռացման հարցը կքննարկվի Երեւանի ավագանու նիստում: Ֆիզկուլտուրայի ուսուցիչներն ու մի քանի այլ ուսուցիչներ եւս նշեցին, որ իրենց համար անընդունելի է դպրոցի դռներին մոտենալն ու պահակի կողմից արգելանքի հանդիպելը՝ չի կարելի դուրս գալ պատճառաբանությամբ: Դպրոցի ինֆորմատիկայի ուսուցչւհիներից մեկը նշեց, որ իրենք այսքան տարի ապրում են ստրկության մեջ, բոլորը վախեցած են: Տնօրենը խոսում է Նիկոլ Փաշինյանի դեմ, սպառնում ուսուցիչներին:
