Լարսին այլընտրանք ճանապարհի շահագործումը կախված է ռուսական կողմի՞ց (տեսանյութ)
Հարավային Օսիայի և Աբխազիայի սահմանի բացման վերաբերյալ ռուս-վրացական բանակցություններում առայժմ անորոշ իրավիճակ է։ Այս գործարքը կարեւոր նշանակություն ունի Հայաստանի համար, հատկապես վատ եղանակային պայմանների պատճառով պարբերաբար փակվող՝ Ստեփանցմինդա-Լարս ավտոճանապարհի ֆոնին։ Ներկայումա Ռուսաստանից է կախված, թե երբ կյանքի կկոչվի շվեյցարական SGS ընկերության գործարքը։ Վրացական կողմը այն ստորագրել է նախորդ տարվա դեկտեմբերին։ Թեեւ ռուսական կողմից դրական ազդակներ են գալիս, Հարավային Օսիան հակառակ հայտարարությունն է անում՝ թե իր համաձայնությունը չկա։ Այս դեպքում, հասկանալի է, որ Վրաստանը դժվար թե փորձի բանակցել իրենից անջատված Հարավային Օսիայի հետ՝ որպես անկախ միավորի: Անկախ զարգացումներից, արդեն իսկ պարզ է, որ եթե այս ճանապարհը չբացվի, տուժող կողմը կմնա Հայաստանը, քանի որ ռուս-վրացական պայմանագիրը նախատեսում է ֆորսմաժորային իրավիճակներում, երբ Լարսի ճանապարհը փակ լինի՝ Հայաստանին ու Թուրքիային թույլ տալ օգտվել Հարավային Օսիայով անցնող այլընտրանքային միջանցքից: Թեմայի մասին իրենց կարծիքն են հայտնել վրացի քաղաքագետ Մամուկա Արեշիձեն եւ վրացագետ Ջոնի Մելիքյանը: https://youtu.be/eABu01Vl4fo
