A
A
Լեւոն Արոնյանը Կարուանային ստիպեց հաշտություն կնքել
Հայաստանի շախմատիստ Լեւոն Արոնյանը Լոնդոնում ընթացող London Chess Classic սուպերմրցաշարի 2-րդ տուրում ոչ-ոքի խաղաց ամերիկացի Ֆաբիանո Կարուանայի հետ: Սեւերով հանդես եկող մեր շախմատիստը բավական վստահ պաշտպանվեց եւ արդեն 28-րդ քայլից հետո մրցակցին ստիպեց կրկնել դիրքը ու հաշտություն կնքել: Լեւոն Արոնյանը երկրորդ ոչ-ոքին արեց մրցաշարում եւ վաստակեց 1 միավոր: Աշխարհի չեմպիոն Մագնուս Կարլսենի եւ փոխչեմպիոն Սերգեյ Կարյակինի մրցամարտում նույնպես գրանցվեց գրոսմայստերական ոչ-ոքի: Մյուս պարտիաները շարունակվում են: Վաղը տեղի կունենա 3-րդ տուրը: Լեւոն Արոնյանը սպիտակ խաղաքարերով կհանդիպի Սերգեյ Կարյակինի հետ:
