Խաղավերջում Ռոնալդուի խփած գոլը հաղթանակ պարգեւեց «Ռեալին» (տեսանյութ)
Իսպանիայի ֆուտբոլի առաջնության 8-րդ տուրում երկրի գործող չեմպիոն Մադրիդի «Ռեալը» արտագնա խաղում հանդիպեց վտանգավոր գոտում գտնվող «Խետաֆեի» հետ: Մադրիդցիները խաղի հաշիվը բացեցին 39-րդ րոպեին, երբ Քարիմ Բենզեման օգտվելով մրցակցի սխալից մտավ տուգանային հրապարակ եւ ուժեղ հարվածով գրավեց դարպասի հեռավոր անկյունը: Երկրորդ խաղակեսի 11-րդ րոպեին «Խետաֆեի» ֆուտբոլիստ Մոլինան մոտ տարածությունից հավասարեցրեց հաշիվը, սակայն խաղավարտից հինգ րոպե առաջ «Ռեալի» հարձակվող Ռոնալդուն օգտվելով մրցակցի պաշտպանների դիրքային սխալից երկրորդ գոլը խփեց տանտերերի դարպասը եւ կարեւոր հաղթանակ պարգեւեց իր թիմին՝ 2:1: «Ռեալը» վաստակեց 17 միավոր եւ բարձրացավ 2-րդ հորիզոնական, սական նրան կարող են շրջանցել Մադրիդի «Աթլետիկոն» ու «Վալենսիան», որոնք դեռեւս չեն անցկացրել այս տուրի հանդիպումները:
