A
A
Չեխիայից 0:7 պարտված Հայաստանի պատանիները կխաղան Թուրքիայի հետ (տեսանյութ)
Հայաստանի մինչեւ 17 տարեկան ֆուտբոլիստների հավաքականն այսօր անցկացրեց առաջին հանդիպումը Եվրոպայի մինչեւ 17 տարեկանների 2018թ առաջնության ընտրական առաջին փուլի շրջանակում:
Չեխիայի Լետոհրադ քաղաքում մեր պատանի ֆուտբոլիստները հանդիպեցին այդ երկրի 17 տարեկան ֆուտբոլիստների հետ եւ պարտվեցին 0:7 գերխոշոր հաշվով: Տանտերերը խաղի հաշիվը բացեցին 12-րդ րոպեին, 11մ հարվածով, ապա երեքական անգամ աչքի ընկան առաջին եւ երկրորդ խաղակեսերում: Հայաստանի պատանեկան հավաքականը թեեւ 6 հարված կատարեց մրցակցի դարպասին, սակայն դրանցից ոչ մեկն էլ չհասավ նպատակին:
Նույն 3-րդ խմբում հանդես եկող Իսրայելի պատանեկան հավաքականը 1:0 հաշվով հաղթեց Թուրքիայի թիմին: Երկրորդ տուրում մեր հավաքականը կհանդիպի Թուրքիայի հետ: Խաղը կկայանա հոկտեմբերի 16-ին:
