Ինչո՞ւ ֆուտբոլի Հայաստանի հավաքականը 1:6 հաշվով պարտվեց սեփական դաշտում
Ֆուտբոլի Հայաստանի հավաքականը 2018թ աշխարհի առաջնության ընտրական փուլի տնային վերջին խաղում 1:6 խոշոր հաշվով պարտվեց Լեհաստանի ազգային թիմին:
Նախ համառոտ խաղի ընթացքի մասին: Լեհաստանի հավաքականն արդեն 2-րդ րոպեին բաեց հաշիվը: Ապա երկու անգամ աչքի ընկավ հյուերի ավագ Ռոբերտ Լեւանդովսկին, որը վարպետորեն իրացրեց տուգանային, ապա ազատ հարվածը: Հանդիպման 39-րդ րոպեին անկյունային խաղարկումից հետո Հայաստանի հավաքականի պաշտպան Հովհաննես Համբարձումյանը գլխի հարվածով կրճատեց հաշիվը:
Երկրորդ խաղակեսում Հայաստանի հավաքականը չնայած մի փոքր ակտիվացավ, սակայն չկարողացավ գոլային ռեալ պահ ստեղծել: Իսկ ահա Լեհաստանի ֆուտբոլիստները օգտագործեցին իրենց բոլոր պահերը եւ եւս երեք գոլ խփեցին:
Այդպիսով, Հայաստանի հավաքականը ամենախոշոր հաշվով պարտությունը կրեց պաշտոնական խաղերում: Մեր ֆուտբոլիստներն առաջին անգամ սեփական դաշտում 6 գնդակ ընդունեցին դարպասը:
Ինքնին հարց է ծագում, արդյոք Լեհաստանի ընտրանին է շատ ուժեղ Հայաստանի ազգային թիմից, որ այդպիսի խայտառակ արդյունք գրանցվեց: Կարծում ենք ոչ, քանի որ մենք նման հաշվով վերջին անգամ պարտվել էինք Գերմանիայի հավաքականին, որը ինքնին, ավելի բարձր կարգ ունի, քան Լեհաստանը: Հետեւաբար, այս պարտությունն ավելի շատ վկայում է Հայաստանի հավաքականի հետընթացի եւ թուլացման մասին: Մեր թիմը երբեք այսիսի անմարտունակ տեսք չէր ունեցել: Իսկ թե ինչո՞ւ է Հայաստանի հավաքականը հայտնվել նման տխուր վիճակում, հավանաբար հայտնի է միայն մեր ֆուտբոլի պատասխանատուներին
[caption id="attachment_1571631" align="alignright" width="780"]
Polish fans during the FIFA World Cup 2018 qualifying soccer match between Armenia and Poland at Vazgen Sargsyan Republican Stadium of Yerevan, Armenia on 05 October 2017[/caption]
