9 ավտովթար՝ 1 օրում
Աջակցիր «Ա1+»-ինԸստ ոստիկանության օպերատիվ հաղորդագրությունների ամփոփագրերի` օգոստոսի 2-ից օգոստոսի 3-ը հանրապետությունում արձանագրված մարմնական վնասվածք հասցնելու 18 դեպքից բացահայտվել է 17-ը:
Արձանագրվել է զենք-զինամթերքի առգրավման 2 դեպք:
Բացահայտվել է գողության 6, խարդախության 2, ավազակային հարձակման, խուլիգանության և կաշառակերության 1-ական դեպք:
Նախկինում կատարված հանցագործություններից բացահայտվել է գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 9 պատահար, ինչի հետևանքով 1 մարդ զոհվել է, 14-ը՝ ստացել տարբեր աստիճանի մարմնական վնասվածքներ:
Պատահարներ ավտոճանապարհներին
Օգոստոսի 2-ին, ժամը 3-ին, «Ֆորդ» մակնիշի ավտոմեքենան Երևանի Բագրատունյաց փողոցի թիվ 1 հասցեի մոտ բախվել է «ԶԻԼ»-ի:
«Ֆորդ»-ի վարորդը մարմնական վնասվածքներով բուժօգնության է դիմել հիվանդանոց:
Կատարվում է հետաքննություն:
Օգոստոսի 1-ին, ժ. 22.10-ին, Երևանի Կոմիտասի պողոտայի թիվ 26 շենքի դիմաց «Օպել» ա/մ-ի վարորդը վրաերթի է ենթարկել 1984 թ. ծնված Հովհաննես Մ.-ին, որը մարմնական վնասվածքներով տեղափոխվել է հիվանդանոց:
Ձեռնարկված միջոցառումներով պարզվել է, որ նշված վրաերթը կատարել է 1957 թ. ծնված Շոկոլ Ս.-ն, որը անցկացված բացատրական աշխատանքների շնորհիվ նույն օրը ժ. 17.30-ին ներկայացել է բաժին և տվել խոստովանական բացատրություն:
Կատարվում է հետաքննություն:
Օգոստոսի 2-ին, ժամը 12.30-ի սահմաններում, «Օպել-Աստրա» ավտոմեքենան Արարատի մարզի Գեղանիստ գյուղի Կենտրոնական փողոցում բախվել է «ԶԻԼ-ՄՄԶ» ավտոմեքենայի:
«Օպել-Աստրա»-ի վարորդը վնասվածքներով տեղափոխվել է հիվանդանոց:
Նախապատրաստվում են նյութեր:
Օգոստոսի 2-ին, ժ. 13-ի սահմաններում, «Nissan-Tiana» մակնիշի ավտոմեքենան Ղուկասավան-Գեղանիստ ճանապարհին դուրս է եկել երթևեկելի գոտուց և բախվել էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Նախապատրաստվում են նյութեր:
Օգոստոսի 2-ին, ժամը 18.30-ի սահմաններում, «Նիսսան Մարչ» ավտոմեքենան Արթիկ-Ալագյազ ճանապարհի 1-ին կմ-ին կողաշրջվել է. վարորդը մարմնական վնասվածքներով տեղափոխվել հիվանդանոց:
Նախապատրաստվում են նյութեր:
