Ակնկալում եմ ճաշակ ու պրոֆեսիոնալիզմ. Սերժ Սարգսյանի ելույթին հետևեց պատգամավորների երդումը (տեսանյութ)

Աջակցիր «Ա1+»-ին

6-րդ գումարման ԱԺ առաջին նիստն այսօր Սերժ Սարգսյանն իր ելույթում շնորհավորեց բոլոր խմբակցություններին հատ առ հատ` բաց, թափանցիկ ընտրությունների համար` մաղթելով բեղուն աշխատանք. «Հարգելի պատգամավորներ, շնորհավորում եմ կրկնակի անգամ` պետական կառավարման նոր կարգի կառավարման համար։ Իհարկե, շատ անելիք ունենք։ Կոռուպցիան իր դեմքը փոխել է, այդ պատճառով մենք պետք է կատարելագործենք հակակոռուպցիոն համակարգը։ Ազնվություն հանած կոռուպցիան, սա է ճիշտ ուղղությունը, քանի որ կոռուպցիան դիլետանտների համար է գրավիչ, իսկ պրոֆեսիոնալների համար այն մերժելի է»:  Այնուհետև, նա մանրամասն անդրադարձավ ՀՀ նոր Սահմանադրությանը` խոսելով ԱԺ եւ իր` որպես ՀՀ նախագահի լիազորություններին։ Նա կոչ արեց, որ այս դահլիճում լինի փոխըմբռնման մթնոլորտ, չլինի հուսախաբություն, եւ յուրաքանչյուրը պետության շահերը վեր դասի անձնական նեղ շահերից. «Պառլամենտական բանահյուսությանը միգուցե բնորոշ են սուր արտահայտությունները, սակայն ես ակնկալում եմ ճաշակ ու պրոֆեսիոնալիզմ։ Ակնկալում եմ նաեւ, որ այս ԱԺ-ում չի լինի միմյանց վիրավորանք։ Ես նկատել եմ, որ նախորդ ԱԺ-ում եղել են պատգամավորներ, որոնք միայն դեմ են քվեարկել բոլոր նախագծերին, դա անընդունելի է։ Ինչ վերաբերում է ընտրությունների արդյունքներին, ապա ես գոհ եմ մեր կուսակցության արդյունքներից։ Իսկ մյուս կուսակցություններին տրված ձայներն ես հարգում եմ»: Սերժ Սարգսյանի ելույթը տեւեց մեկ ժամից ավելի։ Վերջում նա շնորհակալություն հայտնեց համբերության համար։ Լրագրողների համար նախատեսված օթյակներից մեկում նստած են նաեւ ՀՀ-ում հավատարմագրված արտակարգ եւ լիազոր դեսպանները։  Ի դեպ, որպեսզի պատգամավորներն արագ կողմնորոշվեին, թե որտեղ պետք է իրենք նստեն, յուրաքանչյուր աթոռի առջեւում կար տվյալ պատգամավորի անուն-ազգանունը կրող ցուցանակ։ Պատգամավորները հանդիսավորությամբ երդվեցին։ Երդման արարողությունից հետո Սերժ Սարգսյանն ու կաթողիկոսը հեռացան դահլիճից։ Նրանց հետ դահլիճը լքեցին նաեւ Կառավարության անդամները։