«Ննջարանում կամ բաղնիքում քվեարկողներին չեմ կարող խոչընդոտ հանդիսանալ» (տեսանյութ)
Քիչ առաջ 8/16 տեղամասում իր քվեարկությունը կատարեց Երևանի քաղաքապետի թեկնածու Նիկոլ Փաշինյանը։ Նա եկել էր ընտրատեղամաս կնոջ և դուստրերի հետ։ Քվեարկելուց հետո նա հայտնեց, որ ԵԼՔ- ը գալիս է հաղթահարելու հուսահատությունը։ Հարցին՝ եթե քիչ կազմով անցնեք, կկարողանա՞ք որևէ բան փոխել Երևանում, Փաշինյանը պատասխանեց. «Մենք քիչ կազմով չենք կարող անցնել, ավելին՝ ես հույս ունեմ, որ մենք մեծամասնություն ենք լինելու և ունենալու ենք քաղաքապետ»։ «Եթե լցոնումներ, քվեաթերթիկների գողություններ չկան, եթե քաղաքացին իր ննջարանում կամ բաղնիքում ստանա ինչ-որ բան եւ քվեարկի, չեմ կարող խոչընդոտ հանդիսանալ, բայց, մյուս կողմից, պայքարելու ենք, որ այդպիսի քաղաքացուն այլ գաղափարական դաշտ բերենք՝ դատապարտելու փոխարեն»,- ասաց Նիկոլ Փաշինյանը։ Նիկոլ Փաշինյանը հայտարարեց նաև, որ ինքը գնում է քաղաքապետ դառնալու և ոչ՝ ավագանու անդամ։ [caption id="attachment_1542878" align="alignnone" width="500"] Leader of 'Elq' Alliance candidate for Mayor of Yerevan Nikol Pashinyan votes during the local city council elections in Yerevan, Armenia[/caption]