«Անգամ Զարուհու ձեռքերն են համբուրում» (տեսանյութ)
«Երկիր Ծիրան»-ի կուսակցությունը համակիրների մեծ զանգված ունի, սակայն որքան քվե կստանա առաջիկա ավագանու ընտրություներում՝ դեռ պարզ չէ: «Անգամ Զարուհու ձեռքերն են համբուրում ընտրողները»,- այսօր լրագրողների հետ հանդիպման ժամանակ ասաց Երեւանի ավագանու թեկնածու Ալիսա Աբրահամյանը: Նրա խոսքերով՝ բոլորը տեղյակ են Զարուհի Փոստանջյանի գործունեությունից. «Նրա նպատակն է երկիրը լճացումից հանելը, քանի որ մարդկանց մեծ մասը կենտրոնացված է Երեւանում»: Ըստ Երեւանի ավագանու թեկնածուի՝ իշխող կուսակցության ներկայացուցիչը՝ Տարոն Մարգարյանը, ամբողջությամբ օգտագործում է վարչական լծակները: «Եթե Տարոն Մարգարյանը կարծում է, որ ամեն ինչ արել է, ապա սխալվում է, բոլորի խնդիրը ազատ միտքն է, որն այսօր բացակայում է»: «Երկիր Ծիրանի» կուսակցության Երևանի ավագանու թեկնածու Հայկ Պետրոսյանն էլ ավելացրեց, որ թեեւ այս ընտրությունը քաղաքական էր, սակայն իշխող կուսակցությունը փորձում էր դաշտը փոխել եւ բերել կենցաղային դաշտ, ինչն անթույլատրելի է:
