Ջրառատից տեղափոխված վիրավորների վիճակը կայուն է (տեսանյութ)
Ջրառատ գյուղում վիրավորված երեք քաղաքացիները տեղափոխվել են «Էրեբունի» ԲԿ: Նրանց վիճակը կայուն է, այս պահին ցուցաբերվում է անհրաժեշտ բժշկական օգնություն: Այս մասին տեղեկացրել է «Էրեբունի» ԲԿ Գործադիր տնօրեն Միքայել Մանուկյանը
«Ջրառատ գյուղից տեղափոխվել է 3 վիրավոր՝ Արայիկ Մելքոնյանը, Մելիք Մելքոնյանը եւ Հակոբ Մելքոնյանը: Նրանցից մեկը ունի հրազենային վնասվածք , մեկը սուր ծակող գործիքով վնասվածք , մեկը՝ կոտրվածք»:
Հիվանդանոցում են այս պահին գտնվում նաեւ տուժածների բարեկամները: Նրանք նշեցին, որ տուժածները ազգականներ են: Բարեկամները մանրամասներ չեն հաղորդում:
Այս պահին «Էրեբունի» ԲԿ-ում են գտնվում նաեւ ՕՐՕ դաշինքի ներկայացուցիչներ Էլինար Վարդանյանը եւ Ստեփան Մարգարյանը:
Հիշեցնենք, «Օհանյան-Րաֆֆի-Օսկանյան» նախընտրական շտաբի տեղեկություններով այսօր, Ջրառատ գյուղում «Հայաստանի Հանրապետական» կուսակցության (ՀՀԿ) տեղական կառույցի ներկայացուցիչները զինված հարձակում են գործել «Օհանյան-Րաֆֆի-Օսկանյան» դաշինքի համակիրների վրա, որի արդյունքում կան վիրավորներ:
