A
A
«Ես ուր, ՀՀԿ-ն ուր». Տ. Կարապետյանը բացառում է նաև ՀԱԿ-ի հետ դաշինքը
Ժողովրդական կուսակցությունը մասնակցելու է առաջիկա խորհրդարանական ընտրություններին: Բայց դեռ չեն որոշել` միայնա՞կ, թե՞ դաշինքով: «Ա1+»-ի հարցին՝ հնարավո՞ր է ՀԱԿ-ի կամ ՀՀԿ-ի հետ դաշինք կազմեն, ԺԿ նախագահ Տիգրան Կարապետյանն արձագանքեց.«ՀԱԿ-ը բացառվում է, սիմպատիա եւ հավատ չենք ունեցել: Իսկ ինչ վերաբերում է ՀՀԿ-ին, ապա ես ուր, ՀՀԿ-ն ուր»: Ըստ Ժողովրդական կուսակցության նախագահի՝ նոր ընդդիմադիր ուժեր կան, որոնց հետ խորհրդակցում են, սակայն անուններ չնշեց: Տիգրան Կարապետյանը խորհուրդ տվեց մի քիչ էլ սպասել, առաջիկայում ամեն ինչ պարզ կլինի:
