Կբարելավվի անգլերենի դասավանդումը (տեսանյութ)
Եվրոպական չափանիշներին համապատասխան անգլերենի գնահատման եւ ստուգման համակարգի ներդրման, ինչպես նաեւ վերապատրաստման հնարավորություններ տրամադրելու համար Բրիտանական խորհուրդը եւ Եվրոպական կրթական տարածաշրջանային ակադեմիան այսօր հուշագիր ստորագրեցին: Բրիտանական խորհրդի Արեւելյան Եվրոպայի տարածաշրջանի ղեկավար Էնդի Ուիլիամսի խոսքերով՝ անգլերենը հնարավորություն է տալիս աշխարհում միմյանց հետ հաղորդակցվել եւ հասնել իրենց նպատակներին: «Համալսարաններում ցանկանում են գրավել միջազգային ուսանողների, ինչի առումով անգլերենի իմացությունը շատ կարեւոր է: Ես տեսնում եմ, որ համալսարանները ցանկանում են աճել, զարգանալ եւ այդ ուղղությամբ տանել իրենց զարգացումը, հետեւաբար հստակ է, որ անգլերենի ուսուցումն էլ ավելի կարեւոր է դառնում» Բրիտանական խորհրդի Aptis անգլերենի ստուգման թեստը կներկայացվի համալսարանին: Թեստը հնարավորություն է տալիս արագորեն ստուգել անգլերենի իմացությունը: Ուսանողներին էլ կներկայացվի IELTS թեստը, որն անգլերենի ամենաճանաչված քննությունն է աշխարհում: Էնդի Ուիլիամսի խոսքերով՝ Բրիտանական խորհուրդը հավատարիմ է իր այդ նպատակին եւ տրամադրում է այն բոլոր ծառայությունները, որպեսզի եւ ուսանողները, եւ դասախոսները ունենան այն բոլոր հմտություններն ու գիտելիքները՝ իրենց աշխատանքներն առաջ տանելու համար: Ի դեպ Բրիտանական խորհուրդը պատրաստ է աշխատել համալսարանների հետ եւ նրանց տրամադրել իրենց փորձը անգլերենի դասավանդման եւ իմացության գնահատման ոլորտներում:
