A
A
Գերմանիայի քաղաքացիներին կոչ է արվում ձեռք բերել սնունդի և ջրի պաշարներ
Սառը պատերազմից ի վեր առաջին անգամ Գերմանիայի կառավարությունը խորհուրդ է տալիս իր քաղաքացիներին ձեռք բերել սննդամթերքի և ջրի պաշարներ առնվազն 10 օր դիմանալու համար: Սա արվում է երկրում հնարավոր արտակարգ իրավիճակի դեպքում անհրաժեշտ սննդամթերք ունենալու համար, տեղեկացնում է BBC-ի ռուսաստանյան կայքէջը:
Բունդեսթագի որոշ ընդդիմադիր պատգամավորներ հայտարարում են, որ քաղաքացիական պաշտպանության այս նոր քաղաքականությունը, որը չորեքշաբթի օրը կքննարկի նախարարների պալատը, ոչ այլ ինչ է, քան բնակչության ահաբեկում:
