Նոր տվյալներ տուժածների մասին. Վիրավորների թիվը 51 է
o2;30 Հուլիսի 21-ի, ժամը 02: 30–ի դրությամբ Խորենացի փողոցում տեղի ունեցած բախումների հետևանքով մայրաքաղաքի տարբեր բուժհաստատություններ դիմածների թիվը 51 է, նրանցից 28-ը` ոստիկան: Բոլոր տուժածներին ցուցաբերվում է պատշաճ բուժօգնություն: Այս պահի դրությամբ տուժածներից որևէ մեկի կյանքին վտանգ չի սպառնում: Մեծ մասը միջին և թեթև ծանրության վնասվածքներ ունեն, հիմնականում գազային թունավորում են ստացել: 00:57 ՀՀ ոստիկանության պարեկապահակային ծառայության գնդի մոտակայքում տեղի ունեցող միջադեպի հետևանքով նախնական տվյալներով այս պահին տարբեր բուժհաստատություններ է դիմել 45 տուժած, որից 25-ը` ոստիկան։ 18-ը տեղափոխվել է շտպօգնության մեքենաներով, մյուսները դիմել են ինքնուրույն։ Բուժօգնությունը ցուցաբերվում է ամբողջական ծավալով և ժամանակին։ Առավել մանրամասն տեղեկատվություն կտրամադրենք առաջիկայում։ Տեղեկությունը տրամադրել է Առողջապահության նախարարությունը: Էրեբունի բժշկական կենտրոնից քիչ առաջ Ազատություն ՌԿ եթերում հայտնեցին, որ իրենց դիմած տասնութ վիրավորներից տասնհինգը ոստիկան են: Վիրավորներ կան վերակենդանացման բաժանմունքում, սակայն բոլորի վիճակը կայուն է: Բժիշկը հայտնեց, որ վիրավորների մեջ կան թունավորվածներ՝ գազային նյութերից:
