A
A
Դատավորը քննարկում է Գեւորգ Սաֆարյանի խափանման միջոցը փոխելու հարցը
«Նոր Հայաստան» հանրային փրկության ճակատի անդամ Գեւորգ Սաֆարյանի պաշտպանն միջնորդություն ներկայացրեց դատարանին՝ կալանքը փոխելու եւ այլ խափանման միջոց ընտրելու վերաբերյալ: Պաշտպանը նման միջնորդությամբ հանդես եկավ այն բանից հետո, երբ դատարանում հետազոտվեցին գոծում առկա ապացույցները՝ տեսանյութերը: Պաշտպանի խոսքով՝ այս տեսանյութից հստակ երեւում է, որ Սաֆարյանի մեղքն ապացուցված չէ եւ նա կապ չունի միջադեպի հետ: Հիշեցնենք, որ Գեւորգ Սաֆարյանին մեղադրանք էր ներկայացվել, Ամանորի գիշերը ոստիկան Գեղամ Խաչատրյանին հարվածելու համար: Մեղադրողը առարկեց պաշտպանի ներկայացրած միջնորդության դեմ: Իսկ դատավոր Մնացական Մարտիրոսյանը իր որոշումը կհրապարակի մեկ ժամից: