Արցախի «Հունոտի կիրճ» արգելոց տանող ճանապարհը բարեկարգվում է

Աջակցիր «Ա1+»-ին

«Պըլըպուղի» հուշարձան-քարից մինչև Մխիթարաշեն գյուղի մերձակայքը, շուրջ 2կմ երկարությամբ ճանապարհահատվածի նորոգման աշխատանքներն ընթացքի մեջ են: Այստեղ հիմնականում տարվում են հողային հարթեցման և ճանապարհի լայնացման աշխատանքներ, որն այսուհետ կհեշտացնի այցելուների մուտքը  դեպի պատմական արգելոց: Աշխատանքներն իրականացվում է ԼՂՀ պետբյուջեի միջոցների հաշվին: Պատվիրատուն` ԼՂՀ քաղաքաշինության նախարարությունն է, կապալառու կազմակերպությունը` «Քարավան» ՍՊԸ-ն: «Հունոտի կիրճ»-ը մեր երկրում զբոսաշրջային գրավչություն ներկայացնող վայր է:Բնապատմական արգելոցը Արցախի գեղատեսիլ և պատմական նշանավոր անկյուններից է, որն աչքի է ընկնում բնական ու պատմական ուշագրավ հուշարձաններով: Քարանձավներն ու հովանոցաձև ջրաշիթային եզակի բնական կառուցվածքները լինելով գայթակղիչ, տարեցտարի ավելի շատ այցելուներ են գրավում: ԼՂՀ Քաղաքաշինության նախարարություն