Դեւիդ Բեքհեմը ֆուտբոլ կխաղա Անտարկտիդայում
Դեւիդ Բեքհեմն իսկական մարտահրավեր է նետել ինքն իրեն:
Ինչպես տեղեկացնում է BBC-ին, Անգլիայի հավաքականի նախկին ֆուտբոլիստն առաջիկա յոթ օրերին ֆուտբոլ կխաղա յոթ աշխարհամասերում եւ մայրցամաքներում:
Երեկ Դեւիդ Բեքհեմն այցելել է Պապուա-Նոր Գվինեա (Օվկիանիա), որտեղ բանանի կեղեւներից պատրաստած գնդակներով խաղացել է տեղի կանանց հավաքականի հետ: Այսօր նա արդեն հյուրընկալվել է Նեպալի մայրաքաղաք Կատմանդուում (Ասիա), որտեղ իր վարպետությունն է ցույց տվել տեղի աշակարտներին:
Անվանի ֆուտբոլիստն այնուհետեւ պետք է ֆուտբոլ խաղա Բուենոս Այրեսում (Հարավային Ամերիկա), Ջիբութիում (Աֆրիկա), Մայամիում (Հյուսիսային Ամերիկա), Անտարկտիդային բեւեռային կայաններից մեկում: Նա իր շուրջերկրյա շրջագայությունը կավարտի Մանչեսթերում, որտեղ եւ կատարել է իր առաջին քայլերը ֆուտբոլում:
Դեւիդ Բեքհեմն իր ֆեյսբուքյան էջում գրել է, որ այս ակցիան նվիրված է իր ՅՈՒՆԵՍԿO-ում աշխատելու 10-ամյակին եւ նոր ստեղծված «7» բարեգործական հիմնադրամին:
