A
A
Արոնյանն ու Անանդն իրական գրոսմայստերներ են
Այսօր Լեւոն Արոնյանը հերթական կես միավորը վաստակեց Ստավանգերի շախմատի գերմրցաշարում: 7-րդ տուրում մեր շախմատիստը սպիտակ խաղաքարերով հանդիպեց աշխարհի նախկին չեմպիոն Վիշվանաթան Անանդի հետ: Կողմերն այսօր բավական խաղաղասիրաբար էին տրամադրված եւ արդեն 20-րդ քայլին նրանք գրոսմայստերական ոչ-ոքի արեցին: Լեւոն Արոնյանը դրա համար վատնեց 61, իսկ Վիշվանաթան Անանդը՝ 29 րոպե: Մեր շախմատիստը յոթ հնարավորից վաստակեց 3 միավոր եւ դեռ զբաղեցնում է 6-րդ տեղը: Վիշվանաթան Անանդն իր ակտիվում ունի 4,5 միավոր եւ շարունակում է ընթանալ 2-րդ հորիզոնականում: Հաջորդ 8-րդ տուրում Լեւոն Արոնյանը սեւերով կմրցի աշխարհի չեմպիոն Մագնուս Կառլսենի հետ:
