Նաիրա Զոհրաբյանը քաղաքական գնահատական է պահանջում
Քառօրյայի մեկնարկին այսօր ԲՀԿ խմբակցության ղեկավար Նաիրա Զոհրաբյանը հայտարարեց, որ Իրաքի հյուսիսում ծայրահեղ սրվել են եզդիների նկատմամբ բռնությունները. «Նախորդ շաբաթ եւ մենք, եւ ձեր խմբակցությունը քննարկումներ ենք արել: ԲՀԿ-ն ունի առաջարկ՝ այն, ինչ կատարվում է «Իսլամական պետության» կողմից Իրաքի հյուսիսում, պետք է դրան բոլոր քաղաքական ուժերի կողմից տրվի քաղաքական գնահատական: Դա ցեղասպանություն որակելը լուրջ խնդիր է, ու փաստահավաք խմբի խնդիր է: Մինչեւ ապրիլի քսանչորսը մեր բարոյական պարտքն է, որ գնահատական տանք: Ուստի առաջարկում եմ հարմար պահի ձեզ մոտ հրավիրել խմբակցությունների ներկայացուցիրներին ու այս առաջարկը քննարկել»: ԱԺ նախագահ Գալուստ Սահակյանը հայտարարեց, որ բոլորն էլ համամիտ են. «Փորձեմ հրավիրել հանդիպում, տեսնեմ՝ ինչ ենք հայտարարելու: Բավականին լուրջ միջոցառումներ ԱԺ-ն իրականացրել է, փորձենք, քննարկենք»:
