Աջակցենք ազատագրված Վարանդա գյուղի դպրոցին
Արցախյան ազատամարտին իր գործուն մասնակցությունը բերած «Արաբո» ջոկատը, որը իր ներդրումն է ունեցել Վարանդա /Ղարաթաղլու/ գյուղի ազատագրմանը այսօր ևս շարունակում է իր ներդրումն ունենալ ազատագրված հողի զարգացման ու բարօրության համար: Ջոկատի կողմից հիմնված «Արաբո» վետերանների սոցիալ-իրավական ՀԿ-ն 2014 թվականի փետրվարի 17-ին ազատագրված Վարանդա գյուղում տեղադրել է հուշակոթող՝ նվիրված այդ գյուղի ազատագրման մարտերում զոհված իրենց զինակից ընկերների հիշատակին: 2014 թվականի մարտի 15-ին տեղի է ունենալու հուշակոթողի պաշտոնական բացումը, որին իր մասնակցությունն է ունենալու «Օգնիր Եղբորդ» հիմնադրամը: «Օգնիր Եղբորդ» հիմնադրամը «Արաբո» վետերանների սոցիալ-իրավական ՀԿ-ի հետ համատեղ նախաձեռնում է օգնության ծրագիր Վարանդա գյուղի դպրոցի և աշակերտների համար, որոնք թվով 20 հոգի են: Մեզնից յուրաքանչյուրը կարող է իր մասնակցությունն ունենալ կազմակերպվող օգնությանը՝ տրամադրելով գիրք, գրենական պիտույքներ, տեխնիկա, համակարգիչ և այլ անհրաժեշտ պարագաներ, որոնք կհատկացվեն գյուղի դպրոցականներին ու դպրոցին: Օգնությունը կարող եք փոխանցել «Օգնիր Եղբորդ» հիմնադրամի գրասենյակում՝ Հանրապետության 30 հասցեում, իսկ դրամական նվիրատվության դեպքում ՝ «Արաբո» վետերանների սոցիալ-իրավական ՀԿ-ի հետևյալ բանկային հաշվեհամարին՝ ՎՏԲ բանկ- AMD 16047013403400 : Մեզնից յուրաքանչյուրը կարող է իր ներդրումն ունենալ Ազատ ու Անկախ Արցախի Հանրապետության և նրա բնակչության զարգացման ու բարօրության գործում: Մեր օգնությամբ սատար կանգնենք ազատագրված հողում ապրող և սովորող երեխաների կրթության պայմանների բարելավմանը և բարվոք ապագայի կառուցմանը:
