10 հնարավորից՝ երկու մեդալ
Չեռնոգորիայի Բար քաղաքում անցկացվող ըմբշամարտի Եվրոպայի պատանեկան առաջնությունում Հայաստանի ազատ ոճի ըմբիշները 10 քաշային կարգում նվաճեցին ընդամնը 2 մեդալ:
50 կգ քաշային Վահե Մատինյանը եւ 69 կգ քաշային Տիգրան Մնացականյանը հաղթահարելով նախնական փուլերը, մտան եզրափակիչ, սակայն պարտություն կրեցին եւ արժանանացան արծաթե մեդալների:
Նաիրի Ղազարյանը (42 կգ) եւ Հակոբ Ավետիսյանը (63 կգ) պարտվեցին 3-րդ տեղի համար մարտերում եւ զբաղեցրին 5-րդ տեղը: 54 կգ քաշային Գեւորգ Թադեւոսյանը բավարավեց 8-րդ հորիզոնականով, իսկ ահա Հայկ Բադալյանը (46 կգ), Աշոտ Վելիցյան (58 կգ), Սարգիս Հովսեփյանը (76 կգ), Ռազմիկ Պողոսյանը (85 կգ) եւ Մերուժան Նիկոյանը (100 կգ) պարտվեցին առաջին մարտում եւ ժամանակից շուտ դուրս մնացին պայքարից:
Հունիսի 22-23-ին Եվրոպայի պատանեկան առաջնությունում մրցագորգ կմտնեն մեր հունահռոմեական ոճի պատանի ըմբիշները:
