A
A
«Բանանցը» բողոք է ներկայացրել ՀՖՖ
Երեւանի «Բանանցը» բողոք է ներկայացրել Հայաստանի ֆուտբոլի ֆեդերացիա:
Ինչպես տեղեկացնում է ֆուտբոլային ակումբի պաշտոնական կայքը, Հայաստանի առաջնության 38-րդ տուրի «Բանանց» - «Գանձասար» հանդիպման երկրորդ խաղակեսում «Գանձասարի» ֆուտբոլիստ Ուիլյամ Պոտակերը ձեռքով հարվածել է դաշտի տերերի պաշտպան Գագիկ Դաղբաշյանի դեմքին, սակայն խաղի գլխավոր մրցավար Արման Ղուշչյանը չի արձագանքել դրան:
Խաղի 84-րդ րոպեին «Գանձասարի» պաշտպանը սեփական տուգանայինում ակնհայտորեն վայր է գցել «Բանանցի» ֆուտբոլիստ Հովհաննես Համբարձումյանին, սակայն մրցավարը 11 մ հարված նշանակելու փոխարեն դեղին քարտ է ցույց տվել երեւանցի խաղացողին եւ հեռացրել խաղադաշտից:
Երեւանի «Բանանցը» կարծում է, որ Արման Ղուշչյանի թույլ տված սխալները ազդել են խաղի ելքի վրա:
