Գաբրիել Սարգսյանը առաջին միավորը կորցրեց
Հայաստանի շախմատիստ Գաբրիել Սարգսյանին չհաջողվեց շարունակել հաղթարշավը «Դուբայ Օփեն» շախմատի միջազգային մրցաշարում:
4-րդ տուրում նա առաջին կես միավորը կորցրեց` ոչ-ոքի խաղալով Սերգեյ Վոլկովի (Ռուսաստան) հետ: Նա վաստակեց 4,5 միավոր եւ առաջին տեղից նահանջեց 4-րդ հորիզոնական:
Մեր մյուս գրոսմայստեր Վլադիմիր Հակոբյանը այս տուրում հաղթեց Լեւան Պանցուլայային (Վրաստան) եւ վաստակած միավորներով հավասարվեց Գաբրիել Սարգսյանին: Նա լրացուցիչ ցուցանիշներով զբաղեցնում է 3-րդ տեղը:
Հայաստանի չեմպիոն Տիգրան Լ. Պետրոսյանը խաղաղ դաշն կնքեց Պավել Կոցուրի (Ղազախստան) հետ: Նա այժմ 4 միավորով զբաղեցնում է 13-րդ տեղը:
Մրցաշարային աղյուսակը գլխավորում է ռուսաստանցի Ալեքսանդր Ռախմանովը, որը 5 հնարավորից ունի 5 միավոր: Այսօր նրա հետ կմրցի Վլադիմիր Հակոբյանը: Գաբրիել Սարգսյանը կխաղա չինուհի գրոսմայստեր Վենյուն Ժուի հետ: Տիգրան Լ. Պետրոսյանի մրցակիցը կլինի սլովակցի Պետեր Միխալիկը:
