A
A
Անդրանիկ Կարապետյանը 4-րդն է Եվրոպայում
Հայաստանի ծանրորդ Անդրանիկ Կարապետյանին ընդամենը 280 գրամ չհերիքեց Ալբանիայում տեղի ունեցող ծանրամարտի Եվրոպայի առաջնությունում բրոնզե մեդալ նվաճելու համար:
Մեր մարզիկը 77 կգ քաշային կարգում երկամարտի 346 կգ (160+186) քաշով զբաղեցրեց 4-րդ տեղը, քանի որ նա իր անձնական քաշով ավելի ծանր էր նույնպիսի արդյունք ցույց տված Ալեքսանդր Սպակից (Մոլդովա) եւ Ռազվան Մարտինից (Ռումինիա):
Անդրանիկ Կարապետյանը, այնուամենայնիվ, արծաթե մեդալ նվաճեց պոկում վարժությունում: Եվրոպայի չեմպիոն հռչակվեց ռուսաստանցի Դմիտրի Խոմիակովը` 351 կգ (161+190):
Մեր մյուս երկու մասնակիցները` Գոռ Մինասյանը եւ Հայկ Հակոբյանը, հանդես կգան գերծանրքաշային կարգում:
