A
A
Մավրիկ Նասիբյանը զբաղեցրեց երկրորդ տեղը
Հայաստանի սամբիստ Մավրիկ Նասիբյանը երկրորդ տեղը գրավեց Մոսկվայում կայացած սամբոյի աշխարհի գավաթի 3-րդ փուլում:
Մեր մարզիկը 74 կգ քաշային կարգում հաղթահարեց նախնական բոլոր փուլերը եւ մտավ եզրափակիչ: Այստեղ Մավրիկ Նասիբյանը ոչինչ չկարողացավ հակադրել ռուսաստանցի Զաուր Ազիզովին եւ 20 վարկյան անց անձնատուր եղավ:
Հայաստանի մյուս մասնակիցները անհաջող հանդես եկան եւ ժամանակից շուտ ավարտեցին ելույթները:
Ի դեպ, աշխարհի գավաթի 3-րդ փուլի հաղթողներ դարձան հայազգի սամբիստներ Արամ Խամայանը, Արսեն Խանջյանը, Շողիկ Ծատուրյանը, Սուսաննա Միրզոյանը, որոնք ներկայացնում են Ռուսաստանը:
Մրցաշարին ընդհանուր առմամբ մասնակցեցին 26 երկրների մոտ 300 մարզիկ-մարզուհի:
