A
A
Եվրոպոլը 380 պայմանավորված խաղ է հայտնաբերել
Եվրոպայի ոստիկանական գործակալությունը (Եվրոպոլ) 380 պայմանավորված խաղ է հայտնաբերել ֆուտբոլում:
Ինչպես տեղեկացրել է գործակալության ներկայացուցիչ Ռոբերտ Ուեյնռայթը, երկուական հանդիպում «կայացել» են Եվրոպայի եւ աշխարհի առաջնության ընտրական մրցաշարերում եւ չեմպիոնների լիգայի խմբային փուլում:
Այդ պայմանավորված խաղերին մասնակցել են 15 երկրների 425 մրցավարներ, ֆուտբոլիստներ եւ ակումբային ղեկավարներ: Նրանք հանցավոր ճանապարհով վաստակել են 8 մլն եվրո, այդ թվում 2 մլն բաժին է հասել խաղացողներին:
Եվրոպոլն արդեն դատական գործ է սկսել այդ խաղերի տասնյակ մասնակիցների հանդեպ, սակայն առայժմ չի հրապարակել «պայմանավորված» խաղերի ցանկը:
