A
A
Երեքը առաջատարների խմբում
Հայաստանը ներկայացնող գրոսմայստերներ Ռոբերտ Հովհաննիսյանը, Ավետիք Գրիգորյանը եւ Հովիկ Հայրապետյանը շարունակում են վստահ ելույթները շախմատի Միխայիլ Չիգորինի անվան հուշամրցաշարում, որը անցկացվում է Սանկտ Պետերբուրգում:
3-րդ տուրում մեր եռյակը կրկին հաղթանակ է տարել եւ վաստակել է 3-ական միավոր: Նույնպիսի արդյունք ունեն նաեւ եւս 13 շախմատիստներ:
Այսօր կայանալիք 4-րդ տուրում Ռոբերտ Հովհաննիսյանը սպիտակներով կհանդիպի իսրայելցի Ժիլ Պոպիլսկու, իսկ Ավետիք Գրիգորյանը` հնդիկ գրոսմայստեր Պարիմարջան Նեգիի հետ: Հովիկ Հայրապետյանը սեւերով ուժերը կչափի ռուսաստանցի Ալեքսանդր Շիմանովի հետ:
Առաջատարներից մեկ միավորով ետ են մնում մեր շախմատիստներ Վլադիմիր Հակոբյանը, Զավեն Անդրիասյանը եւ Վահե Բաղդասարյանը:
