Շախմատային դեսանտ՝ Մոսկվայում
Այսօր Մոսկվայում մեկնարկող «Աերոֆլոտ-օփեն» շախմատային փառատոնի A կարգի մրցաշարում Հայաստանը կներկայացնեն գրոսմայստերներ Վլադիմիր Հակոբյանը, Հրանտ Մելքումյանը եւ միջազգային վարպետ Կարեն Հ. Գրիգորյանը:
Առաջին տուրում Վլադիմիր Հակոբյանը սպիտակներով կմրցի խորվաթ շախմատիստ Մարին Բոսիոչիչի հետ: Վիճակահանությամբ Հրանտ Մելքումյանի մրցակիցը կլինի պերուացի Խորխե Կորին, իսկ Կարեն Հ. Գրիգորյանի մրցակիցը` չինացի Ժանչաո Ժուն:
Այս տարվա «Աերոֆլոտ-օփենի» A կարգի մրցաշարին կմասնակցեն 86 գրոսմայստերներ: Նրանք շվեյցարական մրցակարգով 9 տուրում կորոշեն հաղթողին եւ մրցանակակիրներին:
Փառատոնի B մրցաշարում մերոնցից հանդես կգան գրոսմայստերներ Արտաշես Մինասյանը, Տիգրան Քոթանջյանը, Դավիթ Գ. Պետրոսյանը, միջազգային վարպետ Հովիկ Հայրապետյանը, ՖԻԴԵ-ի վարպետ Հովհաննես Գաբուզյանը, Վահե Բաղդասարյանը, Աղասի Ինանցը, Մանուել Պետրոսյանը:
C մրցաշարում Հայաստանը կներկայացնի 6 հոգու:
