A
A
Սամբիստները կմեկնեն Ուրալսկ
Հայաստանի սամբոյի հավաքականը հունվարի 25-ին կմեկնի Ղազախստանի Ուրալսկ քաղաք, որտեղ հունվարի 27-29-ը տեղի կունենա նախագահ Նորսուլթան Նազարբաեւի մրցանակների խաղարկությունը, որը սամբոյի աշխարհի գավաթի փուլերից մեկն է: Այդ մասին տեղեկացնում է Հայաստանի սամբոյի ֆեդերացիայի մամուլի ծառայությունը:
Հայաստանի սամբոյի ֆեդերացիան այդ մրցումներին հայտավորել երեք մարզիկ: Մինչեւ 82 կգ քաշային կարգում հանդես կգա աաշխարհի եւ Եվրոպայի 2010 թ չեմպիոն Աշոտ Դանիելյանը, մինչեւ 62 կգ քաշային կարգում` Մարտին Միրզոյանը, 90 կգ-ում` Դավիթ Գրիգորյանը:
Բոլոր մարզիկները սամբոյի եւ ձյուդոյի օլիմպիական մանկապատանեկան մարզադպրոցի Ստեփանակերտի մասնաճյուղի սաներ են:
Հայաստանի պատվիրակության կազմում ընդգրկվել են նաեւ մարզիչ Է. Միրզոյանը եւ մրցավար Է. Ասլանյանը:
