Եվրո-2012-ի պատճառով
Կիեւի քաղաքապետարանը ֆուտբոլի Եվրոպայի 2012 թվականի առաջնության եզրափակիչ մրցաշարին լավագույնս պատրաստվելու համար որոշել է ավարտական դասարանների համար կարճացնել ուստարին:
Այս տարի 11-րդ դասարանցիների համար ավարտական զանգը կհնչի ոչ թե ավանդական մայիսի 25-ին, այլ 12-ին:
«Ավարտական դասարանները մայիսին պետական քննություններ կհանձնեն, իսկ հունիսին դրանց համար դպրոցներին կից կկազմակերպվեն առողջարարական ճամբարներ» ,- ասել է Կիեւի քաղաքապետարանի կրթության եւ գիտության բաժնի պետ Վերա Գորյունովան:
Նա սակայն խոստովանել է, որ Կիեւի կենտրոնական մարզադաշտի հարեւանությամբ գտնվող դպրոցներում նման ճամբարներ չեն գործի` ելնելով անվտանգությունից: Նշենք, որ այդ որոշումը չի վերաբերում մնացած դասարաններին, որոնք դասերն անցկացնելու են սովորական ռեժիմով՝ մինչեւ մայիսի 25-ը:
