Բացել լրահոսը Փակել լրահոսը
depositphotos_68791727-stock-photo-two-carnation-flowers-on-a
A A
Քաղաքականություն

Ադրբեջանում ԵՄ պատվիրակները հիշել են Խոջալուի դեպքերը

Խոջալուի դեպքերի 34-րդ տարելիցի առթիվ Ադրբեջանում Եվրոպական միության պատվիրակությունը հարգել է զոհերի հիշատակը։ Այս մասին նշվում է ԵՄ հաղորդագրության մեջ։

Այդ հաղորդագրությունը Խոջալուի դեպքերը ներկայացնում է որպես կոտորած, ադրբեջանցի քաղաքացիական բնակչության զանգվածային սպանություն՝ հայկական ուժերի և ԱՊՀ Միացյալ զինված ուժերի 366-րդ գվարդիական մոտոհրաձգային գնդի կողմից։

«Ադրբեջանում Եվրոպական միության պատվիրակությունը հարգում է անմեղ զոհերի՝ կանանց, տղամարդկանց, երեխաների և տարեցների հիշատակը, որոնք իրենց կյանքը կորցրել են Խոջալուի ողբերգության ժամանակ,– նշված է պատվիրակության ՖԲ գրառման մեջ,- Պատվիրակությունը իր անկեղծ ցավակցությունն է հայտնում բոլոր նրանց, ովքեր կորցրել են իրենց հարազատներին և տները, և ընդգծում է հաշտեցման ու կայուն խաղաղության կարևորությունը՝ նման ողբերգությունների կրկնությունը կանխելու համար»։

Սումգայիթի ջարդերի վերաբերյալ նման հաղորդագրություն դեռեւս չկա։