A
A
100 ժամ հանրային աշխատանք՝ ֆեյսբուքյան գրառման համար
Աջակցիր «Ա1+»-ին Երեւան քաղաքի ընդհանուր իրավասության դատարանը Ստելլա Աղաջանյանին դատապարտել է 100 ժամ հանրային աշխատանքի: Պատճառը եղել է իր ֆեյսբուքյան գրառումը:
Ըստ մեղադրանքի՝ Ստելլա Աղաջանյանը 2022 թվականին՝ «Ֆեյսբուք» սոցիալական կայքէջով արել է ՀՀ վարչապետի նկատմամբ բռնություն կիրառելու հրապարակային կոչեր՝ մասնավորապես օգտագործելով՝ շան սատակ անել, ոչնչացնել արտահայտությունները։
Դատավճիռը բողոքարկվել է եւ Վերաքննիչ եւ Վճռաբեկ դատարաններ, սակայն ստորադաս ատյանի դատավճիռը մնացել է անփոփոխ:
Ստելլա Աղաջանյանի պաշտպան Արայիկ Պապիկյանը դիմել է Երեւան քաղաքի ընդհանուր իրավասության քրեական դատարան, որպեսզի դատավճիռը փոփոխվի եւ տուգանք վճարվի, սակայն դեռ նորություն չկա:
Փաստաբանը ունեցել է նմանատիպ գործերով պաշտպանյալներ, սակայն երբեւէ հանրային աշխատանք չի կիրառվել:
Հիշեցնենք, որ հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
