Բացել լրահոսը Փակել լրահոսը
A A
Սպորտ Մարզեր

Հրազդան գետում անցկացվեց Գորիս Հովսեփյանի հիշատակին նվիրված հուշամրցաշար (տեսանյութ)

Հոկտեմբերի 24-ին Հրազդան գետում Սևանի ջրային մարզաձևերի դպրոցի նախաձեռնությամբ անցկացվեց հուշամրցաշար նվիրված դպրոցի նախկին սան, 44-օրյա պատերազմում զոհված Գորիս Հովսեփյանի հիշատակին: Հուշամրցաշարին մասնակցեցին 50-ից ավել մարզիկներ՝ Սևանից, Հրազդանից, Ապագայից: Հաղթողները պարգևատրվեցին Գորիս Հովսեփյանի անվան հուշամեդալներով և գավաթներով:

Գորիսը զբաղվել է տարբեր մարզաձևերով: Ամենից շատ սիրում էր թիավարությունը։ Մասնակցել է շատ մրցումների ու միշտ զբաղեցրել է բարձր հորիզոնականներ։

Ստացել է շատ պատվոգրեր, մեդալներ ու մրցանակներ։ Գորիսը սկզբնական շրջանում ծառայում էր Էջմիածնում, 6 ամիս հետո Գորիսը տեղափոխվել է Արցախ։ Իր ծառայակից ընկերների հետ անառիկ են պահել Ակնայի դիրքերը։ Թեժ մարտերի ընթացքում իր կամքով տեղափոխվել է Հադրութ։ 2020-ի հոկտեմբերի 12-ին հերթական մարտական առաջադրանքը գերազանց կատարելուց հետո թշնամին նկատել է իրենց խումբը։ ԱԹՍ-ի հարվածից անմահացան խմբի 15 հերոս տղաները՝ այդ թվում նաև Գորիսը։

Գորիսի անունն է կրում Ցամաքաբերդի միջնակարգ դպրոցի ՆԶՊ առարկայի դասարանը: Սևանի Ցամաքաբերդ թաղամասի բնակիչների նախաձեռնությամբ Ցամաքաբերդում կանգնեցվել է Խաչքար և Արծիվ-հուշարձան նվիրված Արցախյան 44-օրյա պատերազմում նահատակված Գորիս Հովսեփյանի հիշատակին։ Գորիսը հետմահու պարգևատրվել է «Մարտական ծառայության» մեդալով:

Սեւան թվ