Փաստաբան․ Դատարանի որոշմամբ Գալեյանը 1.5 տարով կազատազրկվի
Աջակցիր «Ա1+»-ինԳարիկ Գալեյանը 44–օրյա պատերազմում զոհված զինվորի հայր է
Վերաքննիչ քրեական դատարանն ավարտին է հասցրել 44-օրյա պատերազմում զոհված Մխիթար Գալեյանի հոր՝ Գարիկ Գալեյանի գործով բողոքների քննությունը։ Դատարանի որոշմամբ՝ նա 1․5 տարով կազատազրկվի խուլիգանության մեղադրանքով: Այս մասին տեղեկացրել է փաստաբան Վահան Հովհաննիսյանը։
Նա նշել է, որ Գալեյանին պետությունը «մեղադրում էր խուլիգանության համար, որը դրսևորվել էր անձի վրա խմելու մաքուր ջուր լցնելով»։
«Դատարանը մասնակի (պատժի մասով) բավարարեց պաշտպանական կողմի բողոքը, սակայն որոշեց, որ խուլիգանության մեղադրանքով նա պետք է 1.5 տարի ժամկետով ազատազրկվի։
Հիշեցնեմ, որ ըստ ՀՀ ՔԿՎ ստացված տեղեկատվության, խուլիգանության երկրորդ մասի մեղադրանքով ազատազրկման վայրերում պատիժ է կրում․․․ 3 անձ, որոնք դատապարտվել են կրկնահանցագործության և այլ ծանր հանցանքների համակցության համար։
Կարող ենք արձանագրել, որ Գարիկ Գալեյանը կլինի առաջին անձը՝ ով նման մեղադրանքով ազատազրկման ձևով պատիժ կկրի քրեակատարողական հիմնարկում։
Հիշեցնեմ, որ Գարիկ Գալեյանին պետությունը մեղադրում էր խուլիգանության համար, որը դրսևորվել էր անձի վրա խմելու մաքուր ջուր լցնելով:
Հիշեցնեմ, որ պետությունը խուլիգանություն չէր համարել Կասկադ համալիրում Ալեն Սիմոնյանի կողմից քաղաքացու աչքին թքելը։
Հիշեցնեմ, որ օգոստոսի 17-ին Գարիկ Գալեյանի հերոս որդու՝ Մխիթարի ծննդյան օրն էր և նա չէր կարող չլինել Եռաբլուրում։ Բան չասի, թող ձեր բալեքը ողջ լինեն»,–գրել է նա։
