«Россия сегодня»-ն և «Radio Liberty»-ն զբաղված են միևնույն կեղծ թեզերի տարածմամբ․ ԱԳՆ խոսնակ
Աջակցիր «Ա1+»-ինՀՀ ԱԳՆ խոսնակ Անի Բադալյանը ֆեյսբուքյան իր էջում գրում է․
«Россия сегодня»-ն և «Radio Liberty»-ն զբաղված են միևնույն կեղծ թեզերի տարածմամբ
Ֆանտաստիկա՞.
Այս՝ ժամանակին անհավանական ու ֆանտաստիկայի ժանրից թվացող սինխրոնությունն ակնհայտ երևում է «Россия сегодня»-ի և «Radio Liberty»-ի կողմից գրեթե միաժամանակ հրապարակված նյութերի ոչ միայն վերնագրերից ու բովանդակությունից, այլև նույնիսկ դրանց ուղեկցող լուսանկարների նույնական կոլաժներից։ Սա դժվար է համարել սովորական պատահականություն։
Ապատեղեկատվություն.
Նման հրապարակումներում արտացոլված «տեղեկություններն» իրականության հետ որևէ աղերս չունեն և մեր կողմից գնահատվում են որպես ՀՀ ինքնիշխանության և տարածքային ամբողջականության դեմ հիբրիդային պատերազմի մաս։
«Սյունիք».
«Ազատություն» ռադիոկայանը երեկ գերազանցեց ինքն իրեն՝ մոռանալով աշխարհագրության նվազագույն գիտելիքները և Հայաստանի Հանրապետության տարածքում փնտրելով գոյություն չունեցող տարածք, գոյություն չունեցող անվանումներ։ Հիշեցնենք, որ ՀՀ-ում կա տարածք՝ «Սյունիք» անվանումով մարզ, դրանից տարբերվող տեղանունների կիրառումը կասկածի տակ է դնում ՀՀ տարածքային ամբողջականության նկատմամբ հարգանքը։
Պատահականությու՞ն.
Պատահականություն դժվար է որակել նաև այն, որ նմանատիպ նյութերը երբեմն հրապարակվում են՝ առանց նախապես պատշաճ ճշտելու դրանց բովանդակության վերաբերյալ ՀՀ ԱԳՆ-ի դիրքորոշումը: Նույն օրը ռադիոկայանի կայքէջում հրապարակված մեկ այլ նյութում նշվում է «արտգործնախարարության խոսնակն այսօր անհասանելի էր» պնդում այն պարագայում, երբ խոսնակը բառացիորեն նույն վայրկյաններին անմիջական կապի մեջ է ԶԼՄ համապատասխան հրապարակումը համակարգողի հետ՝ ներկայացնելով Սյունիքի վերաբերյալ հրապարակման կապակցությամբ պաշտոնական դժգոհությունն ու նյութի հեռացման պահանջը։
Ի վերջո պրոֆեսիոնալիզմի և բարեխիղճ լրագրության պակա՞ս, թե՞ սովորական մանիպուլյացիա.
Հետևորդներին և այս գրառումն ընթերցողներին թողնում ենք սեփական ընտրության հնարավորություն, թեև մեզ համար պատասխանը պարզ է՝ բոլորը միասին։
Հ. Գ. Գուցե գրառումը հեռացնելու փոխարեն արժի դրա ազդեցության ու հետևանքների մասին մտածել նախապես։
![Возможно, это изображение 2 человека, карта и текст «RT @RT_com Follow An unnamed US firm will manage the Zangezur corridor under a 100-year lease Armenia gets 30% of the revenue, the firm takes 40%, and Azerbaijan gets full access But this goes beyond trade to military presence [2/4] it opens the door eahachkala Darbent Derbent Ibihsi EEvumii Vanadror Vanadror imri Şaki RMENIA Ganca Yerevan Xankandı Xank AZERBAIJAN AZERBAIJAN andı Ara çivar Ardabi Tabriz 21:36.23.07.25.7,1KViews 21:36 23.07.25 7,1K Views おきしか 3 ٢٦ 48 66 8»](https://scontent.fevn5-1.fna.fbcdn.net/v/t39.30808-6/524577790_1320518586746590_2484698420310743013_n.jpg?stp=cp6_dst-jpg_tt6&_nc_cat=110&ccb=1-7&_nc_sid=833d8c&_nc_ohc=7uSWR9ApvLsQ7kNvwGTVigS&_nc_oc=Adl8gWgPMtPtQaTrIeDaGwiKQk3JeTRJJv5TbVekdjhJ05JHvHjypamxcg2IOFbiG5Q&_nc_zt=23&_nc_ht=scontent.fevn5-1.fna&_nc_gid=ogWfmbNn4FxZRUhjb9NOcA&oh=00_AfRJ-dprBrh0Nudr2ouA3qf9qglqnDx0nUDRjcWxfMAhhQ&oe=688A7401)
