Հայ գրոսմայստեր Լևոն Արոնյանը հաղթեց աշխարհի հինգերորդ համար ԱրՋուն Էրիգայսիին և անցավ Լաս Վեգասում կայանալիք եզրափակիչ

➖➖➖

Հայաստանի գրոսմայստեր Լևոն Արոնյանը շարունակում է իր փայլուն ելույթը՝ կիսաեզրափակիչում պարտության մատնելով հնդիկ գրոսմայստեր, այս պահին աշխարհի հինգերորդ համարը զբաղեցնող ԱրՋուն Էրիգայսիին։ Մրցաշարը՝ Freestyle Chess Grand Slam (Շախմատ 960 ձևաչափով), անցկացվում է Լաս Վեգասի Wynn հյուրանոցում՝ հուլիսի 16–20-ն։

Այս հաղթանակով Արոնյանը մտնում է եզրափակիչ և պայքարելու է առաջնության 200,000 դոլար արժողությամբ գլխավոր մրցանակի համար։ Էրիգայսին՝ Հնդկաստանի ամենահեռանկարային շախմատիստներից մեկը, մրցաշարը լքում է ուժեղ ելույթից հետո։

Մրցաշարի ընթացքում Արոնյանը նախ խմբային փուլում 2:0 հաշվով հաղթել է աշխարհի առաջին համար Մագնուս Կարլսենին, ապա քառորդ եզրափակիչում հաղթել է աշխարհի երկրորդ համար Հիկարու Նակամուրային՝ հաստատելով իր տպավորիչ ուղին դեպի եզրափակիչ՝ հաղթանակներ գրանցելով աշխարհի լավագույն շախմատիստների նկատմամբ։

Այժմ՝ ընդամենը երեք օրում հաղթելով աշխարհի 1-ին, 2-րդ և 5-րդ համարներին, Լևոն Արոնյանը եզրափակիչում մրցելու է աշխարհի 19-րդ համարը զբաղեցնող Հանս Նիմանի հետ։

Freestyle Chess Grand Slam մրցաշարը ներառում է 16 առաջատար շախմատիստների՝ 10+10 բլից խմբային փուլով և կրկնակի դուրս մնալու կանոնով փլեյ-օֆֆներով։ Ընդհանուր մրցանակային ֆոնդը կազմում է 750,000 դոլար, որից հաղթողը կստանա 200,000 դոլար։