A
A
Փլվել է մարզադաշտի ծածկը
Հոլանդական «Տվենտե» ֆուտբոլային ակումբին պատկանող «Դե Գրոլշ Վեստե» մարզադաշտի ծածկը փլուզվել է, որի արդյունքում մի քանի մարդ տուժել են:
Ինչպես տեղեկացնում են հոլանդական լրատվամիջոցները, մարզադաշտի վերանորոգման աշխատանքների ժամանակ տրիբունաներից մեկի ծածկը պահող երկու սյուները դեֆորմացվել են, որի արդյունքում ծածկի մի մասը փլվել է:
Ըստ նախնական տվյալների` զոհվել է մարզադաշտի մոտով անցնող մեկ մարդ, իսկ փլատակների տակ մնացել են մի քանի շինարարներ:
Հարկ է նշել, որ «Դե Գրոլշ Վեստե» մարզադաշտը շահագործման է հանձնվել 1998 թվականին, եւ դրանում առաջին անգամ են վերանորոգման աշխատանքներ կատարում:
