ՄԱԿ-ի գլխավոր քարտուղարը ժամանել է Կազան՝ մասնակցելու ԲՐԻԿՍ-ի գագաթնաժողովին

ՄԱԿ-ի գլխավոր քարտուղար Անտոնիո Գուտերեշը ժամանել է Կազան՝ մասնակցելու BRICS-ի երկրների ղեկավարների գագաթնաժողովին։ Ռիա նովոստիի հաղորդմամբ, Անտոնիո Գուտերեշը Կազանի միջազգային օդանավակայանում դիմավորել է Թաթարստանի պետական խորհրդի նախագահը։

Երկուշաբթի օրը Կրեմլը հայտարարել էր, որ Ռուսաստանի նախագահ Վլադիմիր Պուտինը և Գուտերեշը Կազանում բանակցություններում կքննարկեն համաշխարհային կազմակերպության աշխատանքը, մերձավորարևելյան ճգնաժամը և Ուկրաինայի շուրջ ստեղծված իրավիճակը։ 

Հոկտեմբերի 22-ից 24-ը Կազանում տեղի է ունենում BRICS-ի գագաթնաժողովը՝ պետությունների ղեկավարների մասնակցությամբ։