Շոգից երակները լայնանում են մեծացնելու համար մարմնի ջերմատվությունը։
 

Շոգը վարիկոզի առաջացման պատճառ չէ, բայց եթե հիվանդությունն արդեն առկա է, շոգը կարող է խորացնել վարիկոզով պայմանավորված հիվանդության ախտանիշները:
 

Բարդություններից զերծ մնալու համար` առողջապահության նախարարությունից խորհուրդ են տալիս․
 

• խուսափել արևի ուղիղ ճառագայթներից,

• չկրել բարձրակրունկներ,

• կրել հարմարավետ կոշիկ ու կոմպրեսիոն տրիկոտաժ,

• ունենալ բավարար ֆիզիկական ակտիվություն,

• քայլել առավոտյան և երեկոյան ժամերին,

• բալանսավորել խմելու ջրի քանակը:

 

«Քննարկե՛ք վարիկոզ լայնացած երակների բուժման հնարավորությունն անոթային վիրաբույժի հետ։

Վարիկոզ ձևափոխված երակները, շատ դեպքերում, հնարավոր է բուժել ամբուլատոր եղանակով. ստացիոնար բուժման համար սովորաբար կարճ ժամանակ է անհրաժեշտ լինում, որպես կանոն, պացիենտներն արագ վերադառնում են ակտիվ կենսակերպի»: